بهرام اسدی
ــــــــــــــــــــــــ 1
- خبر كن اي ستاره يار ما را
كه دريابد دل خونخوار ما را:
ــــــــــــــــــــــــ
اي اولدوز وئر خبر سن ياره بيزدن
ستمگر، عشوه¬لي، عيّاره بيزدن
دئ اي ظالم، بيزي ياخدين فراقه
گليب باخ قووزانان اودلاره بيزدن
سنه گيزلينجه سؤزلر سؤيله¬ميشديم
نه¬دن سيرلر دوشوب اخباره بيزدن
حياني، عصمتي تاراجه وئردين
نه داي قالميش چيخا بازاره بيزدن؟
گؤزوم ياشي ائله فيشقيرتي سالميش
گؤرن سؤيلر چيخير فوّاره بيزدن
بيزي يار قالسين اغيار سالدي گؤزدن
نه¬لر گؤر سؤيله¬ميش اغياره بيزدن
جگر يانميش، توتون قالخير هوايه
يولون توستو گؤرور طيّاره بيزدن
گؤيه نعره چيخير توپ گوللـه¬سي تك
ايتيرمير نعره¬ني خمپاره بيزدن
اوزاق بيزدن اولان يئتميش ولايت
دوشوبلر چؤللره آواره بيزدن
بيزيم غملر بؤلونسه عالم ايچره
او كيمدير جانيني قورتاره بيزدن؟
قالان پايسيز اولا ظنّ ائتمه، «سينماز»
بوتون عالم اولار بيچاره بيزدن.
ـــــــــــــــــــــــــــــــــــــــــــــــــــــــــــــــــــــ
2- زان شاه كه او را هوس طبل و علم نيست
ديوانه شدم بر سر ديوانه قلم نيست:
ــــــــــــــــــــــــــــــ
عاقل اولانين اؤلكه¬ده چونكي يئري يوخدور
اولدوم دَلي¬سوي، چون دَلينين تعزيري يوخدور
باطل سينه گرمكده، دولانماقدادي ميدان
حقّا كي حقيقتچيلرين هئچ بيري يوخدور
حق جارچيلاري بس نئج اولوبلار بو ماحالدان؟
گيزلنميش اولان وار عجبا يا ديري يوخدور؟!
آواره گزيرلر بو جاوانلار گئجه-گوندوز
يول قويماغا بو گنجلرين بير پيري يوخدور
آز-چوخ بير ايشيلتي گؤرونور گؤزلره هردن
خور باخمايين اصلا، دئمه¬يين تأثيري يوخدور
گون اولماسا بير شمعين اولار زايري ائللر
نارينلارا گؤز ديكمه¬لي¬ييك چون ايري يوخدور
تدبير ايله هر چاره¬سيزه چاره بولونموش
بدبخت او آدامدير كي اونون تدبيري يوخدور.
http://bahramasadi.blogfa.com/