حکیم هیدجی دن بیر غزل

گؤگلوم توتولوبدور بیری یوخ، دیل بیلن اولسون

آچ بو قاپینی، منزیله شاید گلن اولسون

بس آغلادیم اولدو جگریم قان یئتیر آللاه

بیر کس گؤزومون یاشینی اوزدن سیلن اولسون

یولداش منه چوخ دور دولانیم عالمی شاید

بیر کیمسه تاپیم دردیمه درمان قیلان اولسون

اوخ هر نه ایتی اولسا، گمان ائیله‌مه شخصین

دونیادا شماتت کیمی باغرین دلن اولسون

آللاه بو شهین بختی دؤنوب تختی دولانسین

 مشکل بونون عهدینده دوداغی گولن اولسون

ای مایه‌سی آز، چوخ ائله­مه ناله و فریاد

سن دردیوی دئ، بلکه دواسین بیلن اولسون