لئیلی کحالی

قار یاغیر

قار اوستونه...

ایزلریمیز ایتیر

آدلاریمیز قالیر آیاق آلتیندا

سسلریمیز...

و قار آداملاری نه آغلاییر نه گولور!

قار یاغیر

یوخولاریمیزدا دونور گؤیرچین یوواسی...

دیلیمیزده دونور سئویرم سؤزجویو

و قارقالار دسته اوچور

مور کؤینه‌ییندن کوچه‌نین...

سونرا ویترین کیمی گؤزلرینده

ماوی ساتیر اوره‌ییمی بازار

قانلی آلیر...

و قار یاغیر حسرت اوستونه

و قار یاغیر ...


http://leylikahali.blogfa.com/