زومار آيي ، خاطيره آيي

1-       شيخ محمد خياباني – تبريزلي موباريز روحاني بير عؤمر ميللت يولوندا چاليشماقدان سونرا اؤز قانيلا آزادليق صحيفه لرينه قيزيل بير واراق آرتيردي . زومارين 21 نجي گونو بو بؤيوك و داهي انسان شهادته چاتدي . اونون سؤزلريندن : قورخو انساني حيوانلار برابر ائد ر – عوامين عقلي و منطقي گؤزونده دير – اؤز ترقيسينه علاقه­سيزميللت­هلاكته محكومدور – ترقي و تجد دودا بؤيوك مانع،عادتدير

2-       اوزئيرحاجي بيگلي 1885- جي ايلينده شوشانين « آغجا بديع» كندينده آنادان اولور. اونون اثرلريندن «ليلي مجنون» « شيخ صنعان »« رستم و سهراب» « شاه عباس و خورشيد بانو» « اصلي و كرم» « هارون و ليلا» اوپئرالارينا ايشاره ائتمك اولار.

3-       1285 گونش ايلينده گنجعلي صباحي  مرندين « مياب» كندينده دونيايا گليب . باكيدا ديل و ادبيات دانشكده سين قورتاريب اورتا مكتب ( دبيرستان ) موديري اولور. اونون اثرلريندن : اؤتن گونلريم / شئعريميز زامانلا آدديملايير / قارتال / حيات / فاجعه سي  و .....چاپ اولوبدور.

1368 – جي ايلده بو سايين يازار دونيا سيني دگيشدي. 

4-       شهريار 1285 جي ايل  تبريزده دونيايا گلير. «حئيدر بابا يا سالام» شئعري ايله تورك دونياسيندا تانينير. شهريار، بولود قارا چورلو يازديغي شئعره غظمتلي بير جاواب يازير و «سهنديه »شئعري  هم شهرياري ،هم سهندي ابدي لشديرير.بو شئعرتورك ديلينين گوجونو و گؤزلليگيني آيدينجاسينا اعلان ائدير. شهريارين فارسجا شئعرلري ده واردير. 1367 جي ايل(زومار آيينين29 اوندا) بو بؤيوك شاعير دونياسيني دييشير. شهريار احترامينا اونون اؤلوم گونو «شئعر و ادب » گونو آدلانيبدير. قبري تبريزين مقبره الشعرا سيندا دير.

 5-جلال آل احمد 1302 ده تهرانين قديم محلله لرينين بيرينده ،سييد و روحاني بير آييله ده دونيايا گلير.آل احمد ديرلي و قالارغي كيتابلار يازيبدير.او جومله دن ،خسي در ميقات ،سه تار،غربزدگي ،ن والقلم و زن زيادي و......آل احمدي  آيدينلارين ايچيندن قاباردان اونون تورك ديلينه اولان تضييقاتي بللنديرمكدير. بو اينصافلي يازيجي زومار آيينين 17 سينده (1348 ه ش ) دونيايا گؤز يومدو.

6-صمد بهرنگي؛ 1318 ده تبريز شهرينده دونيايا گلير.تحصيلات آپاراندان سونرا معلليم اولوب ،تبريزين كندلرينده اؤيرتمنليك ائدير. صمد خالقين ديلين ياخشي دوشونور، اونا گؤره چوخ كيتابلاري بيزيم ديله چئويرير. بير باياتي صمدين بو ايشيني بئله سويله يير:

صمد گلير گوله گوله

دؤشونده باخ قيزيل گوله

هر الينده دؤرد كيتابي

دؤنده ريبدير بيزيم ديله

صمد،ايراندا مدرن اوشاق ادبياتينا آتا كيمي ساييلير.اونون آدلي –سانلي كيتابلاريندان ،بالاجا قارا باليق ،اولدوز و قارقالار،لبو ساتان اوغلان وكور اوغلو و كچل حمزه ني آد آپارماق اولار .صمد 1347 ايلينده (زومار آيينين دوققوزوندا)  آرازلا بيرليده خزره قووشدو.

7-پوروفوسور محسن هشترودي بيزيم علمي شخصيتلر سماسيندا، ان پارلاق اولدوزوموزدور. اؤلكه ميزده علمي دوشونجه لره تمل داشي قويان بو داهي شخصيت  بوتون گنجلريميزه ايستكلي بير اؤرنك اولا بيلر. رحمتليك هشترودي زومار آيينين 13  اونده ابديتيه قووشموشدور.