منیم کلاسلاریم ،زنگان نشریه لری و« عمران صلاحی»

1.ادبیات کلاسلاریندا اوشاقلاری کتاب خصوصیله رومان اوخوماغا تشویق ائدیرم .هر کسه بیر آدلی سانلی یازارین کتابینی آلیب ، اوخویوب خلاصه ائتمه سینی تکلیف ائتمیشم .کتاب گورمه ین  اوشاقلار نه ماراقلی «فرهنگ کتابکده سی»نه یوللانیب کتاب آلیرلار. کتابی اوخوماقلا کلاسی نومره ده آلیرلار.

کتابدان علاوه زنگان نشریه لرین ده نئچه نفره تاپشیردیم. آمما صاباح گوردوم 5 رفورمیست نشریه زنگاندا دولتین سیاست لرینه قارشی اوزلرینی هله لیک تعطیل ائدیرلر.ایندی سحر محصل لریم 10 نشریه دن 5 نشریه نی تاپا بیلمه یه جک لر.اولسون دا بو دا بیزیم شانسیمیزداندیر.

2. «ایشیق یول» موسسه سینده «عمران صلاحی»نین زنگانا گتیرمه سی حاققیندا سوز گئتمیشدی.آمما تاسف لر اولسون بیزده وار تنبل لیک و یوخ سعادت ال اله وئریب  او دوشونجه لی آدامین و دیرلی یازاریمیزین گئتمه خبرینی  اینانیلمازجاسینا ائشیتدیک.

عمران دان ا وخودوغوم گوزل کتابلارین ان گوزه لی «رویاهای مرد نیلوفری» هندوستاندا اعدام اولموش ،عرفان مسلک لی «کاشانلی سعید سرمد»ین حکایه سی و شعرلری دیر .

من گونده لیک قارا باسمالاریندا گئچینرکن و عمران صلاحی حاققیندا بیر شئی یازمایارکن غذابلانیردیم. سونرا «البرز خرم» نشریه سینده آقای امامعلی دادخواه جنابلاریندان اوخودوغوم عمران حاققیندا طنز و یاندیریجی مطلب منی ده چوخلاری کیمی سارسیدیب آغلاتدی.بیز کی یازا بیلمه دیک ،یازانلارین اللری آغریماسین.